Smáskjálftar í Mýrdalsjökli

Hrina smáskjálfta, sem eiga upptök sín nokkra kílómetra austur af Goðabungu í Mýrdalsjökli, hefur gengið yfir frá því í nótt en skjálftarnir gefa engar vísbendingar um aukna eða breytna virkni að sögn jarðfræðings á vakt hjá Veðurstofu Íslands.

„Þetta eru nokkrir smáskjálftar sem komið hafa í nótt og morgun en það er ekkert óvenjulegt, bara í takt við það sem verið hefur,“ segir Þórunn Skaftadóttir. „Það er ekkert sem bendir til þess að neitt sérstakt sé í gangi,“ bætir hún við.

Hrinan hófst upp úr kl. 4 í nótt og þéttist þegar leið á morguninn, segir Þórunn. Stærsti skjálftinn mældist 2,1 stig.

• 1 blogg um fréttina

Bloggað um fréttina

• S i g u r ð u r S i g u r ð a r s o n: Veldur kvikuhreyfing jarðskjálftum á 0,1 km dýpi?