Innlent | mbl | 31.1.2012 | 9:38 | Uppfært 11:42

Mikill viðbúnaður vegna sprengjuleifa

Mynd 1 af 5 Lögregla hefur lokað hluta Hverfisgötu vegna torkennilegs hlutar Ljósmynd Sverrir Hreiðarsson

Mynd 2 af 5 Búið er að loka hluta Hverfisgötu á meðan tækideild lögreglunnar rannsakar torkennilegan sem fannst við Hverfisgötu 4. mbl.is/Júlíus

Mynd 3 af 5 Lögreglan er á vettvangi við Hverfisgötu. mbl.is/Júlíus

Mynd 4 af 5 Frá vettvangi. mynd/LBH

Mynd 5 af 5 mynd/LBH

Lögregla hefur lokað af hluta Hverfisgötu í Reykjavík, eða frá Lækjargötu að Ingólfsstræti, eftir að þar fannst torkennilegur hlutur, sem er talinn vera leifar af sprengju. Hluturinn fannst við Hverfisgötu 4 í nágrenni við stjórnarráðið.

Rannsókn málsins er á frumstigi en fjölmennt lið lögreglu er á vettvangi ásamt sérsveit ríkislögreglustjóra. Þá er sprenguleitarvélmenni á staðnum.

Tilkynning barst lögreglu um kl. 9. Fólk er hvatt til að halda sig fjarri svæðinu á meðan lögreglan athafnar sig.

Ekki er búið að rýma stjórnarráðið skv. upplýsingum þaðan. En verið að rýma hús við Hverfisgötu.

Stefán Eiríksson, lögreglustjóri höfuðborgarsvæðisins, er á vettvangi.