Margir aka á strætórein

Töluvert er um að ökumenn virði ekki lög um notkun akbrauta, en þau kveða m.a. á um að þar sem sérstakar reinar eru fyrir mismunandi tegundir ökutækja skuli ökumaður nota þá rein, sem ökutæki hans er ætluð.

Brotið sem hér er verið að vísa til, og sést daglega í umferðinni, er þegar ökumenn notfæra sér sérreinar strætisvagna til að komast leiðar sinnar.

Sektarfjárhæð við slíku er kr. 5.000 (eigi notuð sú rein sem ökutæki er ætluð). Lögreglan hvetur því ökumenn til að virða þessar greinar umferðarlaganna sem og aðrar. Ekki síst svo að þeir sjálfir komist hjá útgjöldum en fjölmörgum ökumönnum hefur þegar verið gert að greiða áðurnefnda sekt.

• 1 blogg um fréttina

Bloggað um fréttina

• Börkur Hrólfsson: BUS / TAXI eða hvað ?