Lífeyrissjóðir sjái aðeins um viðbótarlífeyri

„Ég vil að almannatryggingakerfið tryggi lífeyri til lágmarksframfærslu. Lífeyrissjóðir eiga ekki að sjá um samtrygginguna - aðeins um viðbótarlífeyri,“ segir Lilja Mósesdóttir, alþingismaður, á Facebook-síðu sinni í dag. Hún bætir því við að í nágrannalöndum Íslands sé meira jafnvægi á milli lífeyrissjóða- og almannatryggingakerfa og þar af leiðandi minni hætta á tapi lífeyrissjóða.

„Samtryggingin hefur verið notuð til að réttlæta að skuldsett heimili séu blóðmjólkuð til að bæta tap sjóðanna. Fjármagna á lágmarkslífeyrinn með skatti á inngreiðslur í lífeyrissjóðina. Skatturinn mun minnka umfang sjóðanna sem voru fyrir hrun orðnir of stórir fyrir íslenskt efnahagslíf og tóku því mikla áhættu í fjárfestingum sínum,“ segir Lilja.

Facebook-síða Lilju Mósesdóttur

• 1 blogg um fréttina

Bloggað um fréttina

• Magnús Helgi Björgvinsson: Held að Lilja ætti nú að kynna sér málin aðeins …