2/3 hlutar verði í eigu ríkisins

Nokkrir þingmenn Framsóknarflokksins hafa lagt fram þingsályktunartillögu um að úthlutun virkjanaleyfa til stærri virkjana en 5-10 MW verði háð því að tveir þriðju hlutar viðkomandi orkufyrirtækis séu í eigu ríkis eða sveitarfélaga.

Í tillögunni er einnig lagt til að lagt verði mat á kosti og galla þess að selja lífeyrissjóðunum allt að 30% af Landsvirkjun og hvort skynsamlegt sé að leggja raforkusæstreng til Evrópu.

Einnig verði verkefnafjármögnun einstakra framkvæmda skoðuð.

Tilgangur tillögunnar er að skapa grundvöll fyrir hlutlausu mati á þeim sjónarmiðum sem snúa að þessum áhugaverðu en umdeildu álitamálum.

Flutningsmenn tillögunnar eru Sigurður Ingi Jóhannsson, Sigmundur Davíð Gunnlaugsson, Gunnar Bragi Sveinsson, Siv Friðleifsdóttir og Ásmundur Einar Daðason.

• 1 blogg um fréttina

Bloggað um fréttina

• Páll Vilhjálmsson: Enginn ber ábyrgð í einkarekstri