Þyrlan lögð af stað

Samkvæmt upplýsingum frá Landhelgisgæslunni er þyrla gæslunnar lögð af stað til þess að aðstoða breska göngumanninn sem slasaðist í morgun.

Í fréttatilkynningu frá Slysavarnafélaginu Landsbjörg er maðurinn við Vegamótavatn en hann ætlaði að ganga þvert yfir landið á skíðum í fjáröflunarskyni.

Fjórir bílar frá björgunarsveitunum Dalbjörg í Eyjafirði og Súlum á Akureyri hafa verið ræstir út til öryggis ef þyrlan kemst ekki á staðinn. Einnig voru fjórir vélsleðar sendir af stað þar sem snjóþungt er á svæðinu og færðin gæti verið erfið fyrir bíla. Bílarnir eru komnir upp úr Eyjafirðinum.

Lögreglan á Húsavík hefur haft samband við manninn og að eigin sögn er hann úlnliðsbrotinn. Talið er að hann hafi slasast við fall. Maðurinn er með tjald og er ekki illa haldinn.

• 1 blogg um fréttina

Bloggað um fréttina

• S i g u r ð u r S i g u r ð a r s o n: Af hverju ekki kort af svæðinu?