Réðust á stúlku í Ármúla

Stúlknahópur réðst á eina stúlku með nokkuð harkalegum hætti í Ármúlanum í Reykjavík um hádegið í dag. Vitað er hverjar voru að verki og sú sem varð fyrir árásinni hefur kært verknaðinn að sögn lögreglu.

Atvikið átti sér stað á bílastæði við Fjölbrautarskólann í Ármúla en stúlkurnar eru nemendur við skólann, samkvæmt upplýsingum frá lögreglu.

Lögreglan segir að nokkrar stúlkur hafi dregið eina stúlku afsíðis og ráðist á hana. Þær spörkuðu í hana, kýldu hana og brutu gleraugun hennar.

Sú sem varð fyrir árásinni hlaut ekki alvarlega áverka en er marin og lemstruð eftir atvikið.

Tilkynning um líkamsárásina barst lögreglunni klukkan 12.36.

• 1 blogg um fréttina

Bloggað um fréttina

• Magnús Gunnarsson: Skömm