„Æ, þegiðu“

Að loknum óundirbúnum fyrirspurnartíma á Alþingi í dag steig Sigurður Ingi Jóhannsson, þingmaður Framsóknarflokks, í ræðustól og kom með athugasemd varðandi fundarstjórn þingforseta.

Honum þótti þingforseti hafa tekið heldur vægt á Steingrími J. Sigfússyni, sjávarútvegs- og landbúnaðarráðherra, þegar hann sagði Sigmundi Davíð Gunnlaugssyni, formanni Framsóknarflokksins, að þegja er hann steig úr pontu. Sigmundur Davíð hafði spurt ráðherrann út í afstöðu hans til Evrópumála.

„Þegar formaður Framsóknarflokksins ræddi við Steingrím J. Sigfússon, þá leyfðist þeim ráðherra að vera hér með frammíköll á borð við „þegiðu“ og „drullist þér nú til“,“ sagði Sigurður Ingi og ítrekaði að slík framkoma teldist vart til sóma.

Að hans mati hefði átt að taka harðar á frammíköllum ráðherrans en Ásta Ragnheiður Jóhannesdóttir, forseti Alþingis, bað þingmenn að gæta orða sinna.

Nokkru síðar steig Einar K Guðfinnsson, þingmaður Sjálfstæðisflokks, í pontu og tók undir ummæli Sigurðar Inga. Bætti hann við að menn ættu að biðjast afsökunar á ummælum sem þessum, teldu þeir ástæðu til þess.

• 5 blogg um fréttina

Bloggað um fréttina

• Páll Vilhjálmsson: Steingrímur J. og Össur missa sig vegna ESB-umsóknar
• Ásthildur Cesil Þórðardóttir: Af hverju drullastu ekki til að segja "landráð"
• Gunnar Heiðarsson: Æ, þegiðu sjálfur og hafðu vit á að segja af …
• Haraldur Haraldsson: „Æ, þegiðu“ ///það er mikið vald að vera margir ráðherrar????
• Guðrún María Óskarsdóttir.: " Það læra börnin sem fyrir þeim er haft "