Fleiri undir áhrifum fíkniefna en áfengis

Um helgina voru sjö ökumenn teknir á höfuðborgarsvæðinu fyrir að aka undir áhrifum fíkniefna. Sex ökumenn voru teknir fyrir ölvunarakstur í Reykjavík um helgina. Helgina á undan voru einnig fleiri teknir undir áhrifum fíkniefna en áfengis í umferðinni á höfuðborgarsvæðinu.

Um helgina voru sjö ökumenn teknir á höfuðborgarsvæðinu fyrir að aka undir áhrifum fíkniefna. Fjórir þeirra voru stöðvaðir í Reykjavík, tveir í Hafnarfirði og einn í Mosfellsbæ. Þrír voru teknir bæði á laugardag og sunnudag og einn aðfaranótt mánudags. Þetta voru allt karlar en þeir eru á aldrinum 18-48 ára. Þrír þeirra höfðu jafnframt þegar verið sviptir ökuleyfi.

Sex ökumenn voru teknir fyrir ölvunarakstur í Reykjavík um helgina. Þrír þeirra voru stöðvaðir á laugardag og þrír sömuleiðis á sunnudag. Þetta voru fjórir karlar á aldrinum 21-50 ára og tvær konur, 33 og 42 ára. Einn þessara ökumanna hafði þegar verið sviptur ökuleyfi.

• 1 blogg um fréttina

Bloggað um fréttina

• Ásgrímur Hartmannsson: Ég hef lengi velt fyrr mér...