Forseti ætti að rassskella Steingrím

Þingflokksformaður Framsóknarflokks fór fram á það við forseta Alþingis við umræðu um störf þingsins í dag, að hann tæki Steingrím J. Sigfússon, formann Vinstri-grænna, á kné sér og rassskellti hann fyrir það að segja þingmanni að þegja á þingfundi í gær. 

Gunnar Bragi Sveinsson þingflokksformaður sagði Steingrím hafa farið yfir öll velsæmismörk í gær þegar hann sagði Sigmundi Davíð Gunnlaugssyni, formanni Framsóknarflokks, að þegja þegar hann steig úr ræðustóli. Hann sagði ýmis orð hafa verið látin falla í þingsal en nýtt væri að mönnum væri sagt að þegja, sem hann sagði vera hneyksli.

Hann velti því fyrir sér hvort Ásta Ragnheiður Jóhannesdóttir, forseti þingsins, þyrfti ekki að grípa inn í og ræða við ráðherra ríkisstjórnarinnar um það hvernig þeim bæri að haga sér og koma fram við þingið og þingmenn. Þá sagði hann að Ásta ætti að taka Steingrím sér á kné og rassskella hann fyrir framkomuna.

Steingrímur J. Sigfússon Sigurgeir Sigurðsson

• 2 blogg um fréttina

Bloggað um fréttina

• Jóhannes Ragnarsson: Strengjabrúða hins gifturíka kaupfélagsstjóra
• Jón Ingi Cæsarsson: Rasskellingar inn hjá Framsókn ?