TF-GNA lent með fólkið

Fólkinu sem lenti í sjálfheldu vestur af Eyjafjallajökli fyrr í kvöld var bjargað af TF-GNA, þyrlu Landhelgisgæslunnar. Rétt í þessu lenti þyrlan með fólkið við lögreglustöðina á Hvolsvelli.

Það var hætt komið í klettum vestur af Grýtutindi þegar óskað var eftir aðstoð björgunarsveita og Landhelgisgæslu. Fólkið er sagt óslasað.

Samkvæmt upplýsingum frá lögreglunni á Hvolsvelli var kalt og fremur hvasst á svæðinu en þar gekk á með skafrenningi og var fólkið orðið fremur kalt þegar því var bjargað af þyrlusveit Gæslunnar.

Fólkið, einn Íslendingur og tveir útlendingar, var vel búið.

• 1 blogg um fréttina

Bloggað um fréttina

• S i g u r ð u r S i g u r ð a r s o n: Landafræðin bögglast fyrir blaðamanni