Stjórn Fjármálaeftirlitsins kemur saman í kvöld til að funda um mál Gunnars Andersen, forstjóra FME. Að sögn Aðalsteins Leifssonar, formanns stjórnarinnar, verður m.a. rætt um kröfu lögmanns Gunnars um lengri frest til að skila inn andmælum. Ekki hefur enn verið ákveðið hvort farið verður að þeirri beiðni.

Skúli Bjarnason, lögfræðingur Gunnars, fór í dag fram á það í bréfi fyrir hans hönd að andmælafrestur yrði lengdur. Gunnari var tilkynnt um fyrirhugaða uppsögn á föstudag og gefinn andmælafrestur til dagsins í dag. Það þýðir að honum var aðeins gefinn einn virkur dagur til að skila greinargerð, en það telur hann of stuttan tíma, að því er fram kemur í bréfi Skúla.

Gunnar mætti sjálfur til vinnu í morgun, enda hefur honum ekki verið sagt upp, að sögn Skúla. Gunnar hefur gegnt stöðu forstjóra Fjármálaeftirlitsins í tæp þrjú ár.

Tengdar fréttir

Forstjóra FME sagt upp störfum

Gunnar Andersen dæmdur í fangelsi

• Trúnaðarbrot Gunnars í Hæstarétti
• Gunnar þarf að greiða sekt
• Framburður Guðlaugs Þórs ekki talinn hafa þýðingu
• Greinir á um Guðlaug Þór

» Fleiri tengdar fréttir

• 3 blogg um fréttina

Bloggað um fréttina

• Einar Guðjónsson: Stjórnina á vergang.
• Sigríður Laufey Einarsdóttir: Stjórn Fjármálaeftirlitsins -eða Sandkassastrákar!?
• Guðjón Sigþór Jensson: Dularfull og umdeild uppsögn