Jón Bjarnason, þingmaður Vinstrihreyfingarinnar - græns framboðs og fyrrverandi sjávarútvegs- og landbúnaðarráðherra, hefur óskað eftir því að sérstök umræða fari fram á Alþingi um stöðu umsóknarinnar um inngöngu í Evrópusambandið og nýlegt álit utanríkismálanefndar Evrópuþingsins vegna hennar.

Um er að ræða ályktun frá utanríkismálanefnd Evrópuþingsins frá því fyrr í þessum mánuði þar sem þingið lagði meðal annars áherslu á það við íslensk stjórnvöld að haldið yrði áfram vinnu við að sameina ráðuneyti eins og stefnt hafi verið að. Þá koma ennfremur fram áhyggjur af því að ríkisstjórnarflokkarnir, VG og Samfylkingin, séu ekki samstiga í afstöðu sinni til umsóknarinnar og þeir hvattir til þess að móta sér sameiginlega stefnu gagnvart málinu.

Einnig var kallað eftir því að ríkisstjórnin „yki undirbúningi fyrir aðlögun að löggjöf ESB og þá einkum á þeim sviðum sem EES-samningurinn nær ekki til“.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 2 blogg um fréttina

Bloggað um fréttina

• Haraldur Haraldsson: Vill umræðu á Alþingi um álit ESB-þingsins/Við eigum að taka …
• Vinstrivaktin gegn ESB: Valdaþorstanum svalað með koníaksaðferðinni