„Á þessu leikur enginn vafi“
Anna Lilja Þórisdóttir
Setja bókamerki
Gunnar Þ. Andersen, forstjóri Fjármálaeftirlitsins, hefur réttarstöðu sem embættismaður ríkisins að mati Oddnýjar G. Harðardóttur fjármálaráðherra. Þetta kemur fram í bréfi sem hún sendi lögmanni Gunnars, Skúla Bjarnasyni, í dag.
Gunnar hafði krafðist þess að fjármálaráðherra úrskurðaði um réttarstöðu hans þannig að enginn vafi myndi leika á því hvort hann félli undir lög um réttindi og skyldur starfsmanna ríkisins, vegna fyrirhugaðrar uppsagnar hans.
Í svarbréfi fjármálaráðherra segir að fyrst embætti forstjóra Fjármálaeftirlitsins var birt í Lögbirtingablaðinu við stofnun eftirlitsins, falli embætti forstjórans undir starfsmannalög ríkisins.
„Það er ekki tilefni til að fara í sérstakan úrskurð, á því liggur enginn vafi að ekki sé ástæða fyrir ráðuneytið að úrskurða sérstaklega í málinu, þar sem það hafi þegar birt embætti forstjóra Fjármálaeftirlitsins á forstöðumannalistanum,“ sagði Skúli í samtali við mbl.is.
„Raunverulega niðurstaðan er enn skýrari en ef það hefði verið kveðinn upp úrskurður,“ sagði Skúli. „Á þessu leikur bara enginn vafi. Það er ekki flóknara en það.“
Fresta framkvæmdum við Landspítala
Greiningarmiðstöð hluti af 13 landamæraaðgerðum
Upptökur með leynd færast í vöxt
Óvissustigi á Vestfjörðum aflýst
Unnu eftir kröfugerð sem lögð var fram í upphafi
Par flutt á bráðamóttöku eftir árás
Mjög dýrt að tryggja landamærin
