Færðu Landsbjörg minningargjöf

Fjölskylda Daniels Markusar Hoij, sem leitað var á Sólheimajökli í nóvember sl. hefur fært Slysavarnafélaginu Landsbjörg höfðinglega gjöf til minningar um Daniel. Styrkurinn nemur 10.000 breskum pundum eða um tveimur milljónum króna.

Með þessu vill fjölskyldan koma á framfæri þakklæti til björgunarsveita sem leituðu Daniels við afar erfiðar aðstæður á jökli. 

Styrkurinn mun renna til Björgunarskóla Slysavarnafélagsins Landsbjargar og verður hann notaður til að efla þjálfun í fjallamennsku og stjórnun aðgerða á jöklum. Mun hann með þeim hætti nýtast björgunarsveitum um allt land, að því er segir á vef Landsbjargar.

Frá leitinni að Hoij í nóvember. Kristinn Ólafsson

• 1 blogg um fréttina

Bloggað um fréttina

• S i g u r ð u r S i g u r ð a r s o n: Verjum fé til fyrirbyggjandi aðgerða