Varað við stormi í kvöld

Veðurstofan varar við stormi um tíma í kvöld á Suður- og Vesturlandi. Reikna má með vindhviðum allt að 30-40 m/s undir Hafnarfjalli og á utanverðu Kjalarnesi frá því klukkan 18 til klukkan 20 og áfram í kvöld og nótt.  Eins er slæm veðurspá fyrir norðanvert Snæfellsnes þar til á morgun, samkvæmt upplýsingum frá veðurfræðingi Vegagerðarinnar.

Vegir eru að mestu auðir um allt sunnanvert landið þó eru hálkublettir á Lyngdalsheiði.

Það eru hálkublettir á nokkrum köflum á Vesturlandi, einkum á fjallvegum.

Á Vestfjörðum er víða hálkublettir, hálka er á Steingrímsfjarðarheiði og krapi á veginum norður í Árneshrepp.

Aðalleiðir á Norðurlandi eru auðar en sumstaðar eru hálkublettir eða hálka á fáfarnari vegum.

Á  Austurlandi er hálka á Breiðdalsheiði en hálkublettir á Vatnsskarði eystra og Öxi.

• 1 blogg um fréttina

Bloggað um fréttina

• Haraldur Haraldsson: Varað við stormi í kvöld/Tökum þessu alvarlega og farið varlega!!!!!