Geðlækni brugðið vegna ummæla þingmanns

Engilbert Sigurðsson, prófessor í geðlækningum segir sér brugðið í kjölfar skrifa alþingismannsins Þórs Saari um hrottafengna árás á lögmannsstofu í fyrradag. Þingmaðurinn fari frjálslega með staðreyndir og grafi undan trausti á sér. Þetta kom fram í kvöldfréttum RÚV.

Þór Saari, þingmaður Hreyfingarinnar, skrifaði á bloggsíðu sína að ekki væri undarlegt né óskiljanlegt að árás, líkt og sú sem gerð var á lögmannsstofu í Lágmúla á mánudag, hafi verið framin.

Hann sagði það fjárhagslega hrun sem varð hér hafa valdið þúsundum fjölskyldna miklum fjárhagslegum skaða. „Ótal fjölskyldur hafa splundrast og ótal manns hafa í örvæntingu tekið eigið líf,“ skrifaði Þór.

Engilbert sagði við RÚV að Þór færi frjálslega með staðreyndir og benti á að samkvæmt tölum Hagstofunnar hafi sjálfsvígum ekki fjölgað eftir hrun.

• 7 blogg um fréttina

Bloggað um fréttina

• ViceRoy: Þór drullar upp á bak
• Axel Jóhann Axelsson: Óáreiðanlegur þingmaður, Þór Saari
• Jón Ingi Cæsarsson: Þór Saari. Trúverðugleiki 0,0.
• Ómar Geirsson: Ólíkt hafast þær að systurnar.
• Páll Vilhjálmsson: Orðamorð Þórs Saari
• Ólafur Örn Jónsson: LEPPALÚÐAR MOGGAHIRÐARINNAR REYNA AÐ KOMA HÖGGI Á ÞÓR SAARI
• Guðrún María Óskarsdóttir.: Gat beðist afsökunnar í Kastljósi, en gerði ekki !