8,2 milljónir safnast í Mottumars

Mottumars - árvekni- og fjáröflunarátak Krabbameinsfélagsins vegna baráttunnar gegn krabbameinum hjá körlum - hefur nú staðið í 10 daga. Þegar hafa safnast rúmlega 8,2 milljónir króna.

Dagana 9.-23. mars munu aðildarfélög Krabbameinsfélagsins um land allt selja lyklakippu til ágóða fyrir átakið. Fyrirmyndin að lyklakippunni er yfirskegg Árna Þórs Jóhannessonar, sem var útnefnt „Fegursta mottan 2011“ af sérstakri dómnefnd. 

Það verða Krabbameinsfélögin á Akranesi, Borgarfirði, Breiðafirði, Ísafirði, Siglufirði, Akureyri, Norðausturlandi, Austfjörðum og Austurlandi, Suðausturlandi, Árnessýslu, Suðurnesjum, og Hafnarfirði sem selja lyklakippuna. Einnig verður hún fáanleg í verslun Krabbameinsfélagsins í  Skógarhlið 8 í Reykjavík og vefverslun félagsins. Lyklakippan kostar 1.500 krónur.

• 1 blogg um fréttina

Bloggað um fréttina

• Hjördís Vilhjálmsdóttir: Skemmtileg hugmynd