Í lagi að tala um viðkvæma stöðu krónunnar

„Vandi íslensku krónunnar felst ekki í því að stjórnmálamenn segi sannleikann um viðkvæma stöðu gjaldmiðilsins.“ Þetta segir Skúli Helgason, alþingismaður Samfylkingarinnar, í grein um stöðu íslensku krónunnar.

Þingmenn Sjálfstæðisflokks og Framsóknarflokks hafa kvartað undan því að ráðamenn þjóðarinnar tali niður krónuna. Skúli segir að þetta sé gömul plata  „Íslenska krónan er ekki í gjaldeyrishöftum af því að vondir stjórnmálamenn tali um hana á kjarnyrtri íslensku.  Íslenska krónan er því miður ekki gjaldmiðill sem hefur forsendur til að halda sjó af eigin rammleik, á alþjóðlegum fjármagnsmörkuðum gagnvart heimsgjaldmiðlum á borð við evru, dollar og yen.  Þannig er það og þess vegna þurfum við að lifa við óyndisúrræði á borð við verðtryggingu og gjaldeyrishöft, sem í raun eru eins konar öndunarvél og gangráður fyrir gjaldmiðil sem illa getur staðið fyrir sínu án hjálpartækja.  Þetta mun ekki breytast fyrr en við komumst yfir í stöðugra gjaldmiðlaumhverfi, þar sem lykilatriðið er að tryggja öflugan bakstuðning seðlabanka, sem hefur afl og trúverðugleika til að verja gjaldmiðilinn fyrir tímabundnum sveiflum eða áhlaupum,“ segir Skúli.

Grein Skúla

• 2 blogg um fréttina

Bloggað um fréttina

• Páll Vilhjálmsson: Krónan og kreppa fullveldisins
• Ólafur Ragnarsson: "fer eiginlega á hausinn."