„Mér brá því ég vissi að þá var íslenska tryggingakerfið ábyrgt fyrir innistæðunum,“ sagði Steingrímur J. Sigfússon, efnahags- og viðskiptaráðherra, um það þegar hann frétti af innlánssöfnun Landsbankans inn á Icesave-reikninga Landsbankans í Hollandi og Bretlandi.

Steingrímur lýsti þessu yfir fyrir Landsdómi fyrir stundu og rökstuddi þá þessa skoðun sína með því að Icesave-reikningarnir hefðu verið í útibúum bankans en ekki í dótturfélagi og því hafi eftirlits- og tryggingarskylda hvílt á landinu þar sem höfuðstöðvar bankans voru.

„Ég vissi í grunninn hvernig regluverkið var,“ sagði Steingrímur í svari við fyrirspurn eins dómarans sem bað hann að skýra mál sitt þegar vitnaleiðslunni var lokið.

Fram kom í máli Steingríms að hann hefði varað við aðsteðjandi hættu í íslenska bankakerfinu og að það væri mat hans að íslensk stjórnvöld og hérlendir eftirlitsaðilar hefðu ekki tekið nógu mikið tillit til varnaðarorða innlendra sem erlendra aðila.

Tengdar fréttir

Landsdómur

Biðst afsökunar á sínum hlut í Landsdómsmálinu

• Vill að þingið biðji ráðherra afsökunar
• Tenging við Pólland langsótt
• Á von á skiptum skoðunum
• Alþingi álykti að málshöfðun hafi verið röng

» Fleiri tengdar fréttir

• 4 blogg um fréttina

Bloggað um fréttina

• Guðmundur Ásgeirsson: Hver bar ábyrgð á tryggingakerfinu?
• Axel Jóhann Axelsson: Steingrímur J. reynir sjálfur að sakfella Geir H. Haarde
• Ómar Geirsson: Steingrímur afhjúpar sig sem hið fullkomna ???????
• Viggó Jörgensson: Gat bara ekki sofnað út af áhyggjum.