Breski Evrópuþingmaðurinn Charles Tannock sagði á Evrópuþinginu í dag að hann teldi að Ísland gæti orðið fyrirmyndar Evrópusambandsríki. Þá sagðist hann vona að ef Ísland gengi í sambandið myndi það fá Norðmenn til þess að gera slíkt hið sama. Frá þessu er greint á fréttavef breska ríkisútvarpsins BBC í dag.

Fram kemur í fréttinni að stækkunarstjóri ESB, Stefan Füle, hafi viðurkennt að skiptar skoðanir væru um aðild að sambandinu á Íslandi en talsmaður Evrópuþingsins í samskiptum við Ísland, Cristian Preda, hafi bætt því við að „íslensku þjóðina skorti upplýsta umræðu um kosti ESB-aðildar.“

Þá segir að samkvæmt síðustu skýrslu ESB yfir árangur Íslands vegna aðildarviðræðnanna séu engar efnahagslegar, pólitískar eða lagalegar hindranir í vegi þess að Ísland geti orðið hluti af sambandinu þó enn sé deilt um makrílveiðarnar.

Ályktun Evrópuþingsins þar sem lýst var yfir stuðningi við aðild Íslands að ESB var samþykkt í þinginu í dag með 596 atkvæðum gegn 52 samkvæmt fréttinni.

Frétt BBC

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 4 blogg um fréttina

Bloggað um fréttina

• Gísli Foster Hjartarson: Til fyrirmyndar!!!
• Óðinn Þórisson: Allt upp á borðið
• Kristján Hilmarsson: Giftast "Freyju" til að komast í bólið með frænkunni..
• Páll Vilhjálmsson: Sértrúarsöfnuðurinn fær línuna frá Brussel