Málflutningi Sigríðar Friðjónsdóttur saksóknara í málinu gegn Geir H. Haarde fyrir Landsdómi er lokið í dag. Sigríður flutti mál sitt í þrjár klukkustundir með hléi. Hún sagði blasa við að sakfella ætti Geir.

Erfiðara væri hins vegar að fara fram á ákveðna þyngd refsingar þar sem dómafordæmi vantaði. Refsiramminn fyrir þau brot sem Geir er ákærður fyrir er tvö ár. Saksóknari sagði að hugsanlega mætti meta það honum til refsilækkunar hve langur tími er liðinn síðan brotin voru framin og jafnframt að hann sé með hreint sakavottorð.

Við ákvörðun refsingar þyrfti hins vegar að líta til þess að vanræksla ákærða væri stórfelld. Sigríður nefndi sem nærtækasta dæmi fangelsisdóm yfir danska ráðherranum Erik Ninn-Hansen, en hann var árið 1995 dæmdur í fjögurra mánaða fangelsi, skilorðsbundið til eins árs.

Á morgun klukkan níu flytur Andri Árnason, verjandi Geirs, sitt mál og áætlar hann að tala í um þrjár klukkustundir. Eftir hádegi gefst saksóknara og verjanda svo tækifæri til andsvara.

Tengdar fréttir

Landsdómur

Biðst afsökunar á sínum hlut í Landsdómsmálinu

• Vill að þingið biðji ráðherra afsökunar
• Tenging við Pólland langsótt
• Á von á skiptum skoðunum
• Alþingi álykti að málshöfðun hafi verið röng

» Fleiri tengdar fréttir

• 5 blogg um fréttina

Bloggað um fréttina

• Haraldur Haraldsson: Sakfelling Geirs blasi við///Ljótt að segja farið heldur í alvöru …
• Ásgrímur Hartmannsson: Hvenær verða hinir 62 teknir fyrir?
• Viggó Jörgensson: Landsdómi er skylt að sýkna Geir Haarde. In dubio pro …
• Óðinn Þórisson: Skömm fyrir lýðræðið
• Ómar Geirsson: Aumingja blessuð konan, ósköp á hún bágt.