Innlent | mbl | 17.3.2012 | 12:45 | Uppfært 13:53

Sjálfstæðismenn byrjaðir í baráttu

Sjálfstæðismenn eru bjartsýnir ef marka má þann tón sem sleginn var á flokksráðsfundi Sjálfstæðisflokksins í dag. Morgunblaðið/Golli

Bjarni Benediktsson, formaður Sjálfstæðisflokksins, sagði við upphaf flokksráðsfundar Sjálfstæðisflokksins í morgun að fundurinn markaði upphafið að kosningabaráttu flokksins. Hann benti á að fylgi flokksins væri um þessar mundir meira en samanlagt fylgi stjórnarflokkanna beggja.

Á fundinum verður kosið í embætti 2. varaformanns og í allar málefnanefndir flokksins.

Ólöf Nordal, varaformaður Sjálfstæðisflokksins, sagði í ræðu sinni að öll ríki sem vildu lækka skuldir sínar legðu áherslu á hagvöxt „nema Ísland ef marka má orð Svandísar Svavarsdóttur sem sagði á flokkráðsfundi Vinstri Grænna að endalaus hagvöxtur væri leið mannkyns til glötunar“.

Dagskrá flokksráðsfundarins er á þá leið að úrslit kosningar til málefnanefnda og 2. varaformanns verða kynnt, svo taka við ávörp formanna LS, SES, SUS og verkalýðsráðs og að lokum pallborð forystu Sjálfstæðisflokksins.