Vill frekar fjárfesta í Kanada

Ástæða þess að framkvæmdir við kísilver í Helguvík eru ekki hafnar er sú að einn eignaraðila Íslenska kísilfélagsins, bandaríska fyrirtækið Globe Speciality Metals, er að reyna að kaupa kísilver í Kanada og dregur því lappirnar í málinu á meðan.

Kanadíska fyrirtækið Timminco hefur rekið kísilver í Quebec í Kanada sem heitir Bécancour. Kísilverið varð gjaldþrota í janúar, en Globe hefur áhuga á að eignast það og halda áfram rekstri. Þetta veldur því að fyrirtækið hefur ekki verið tilbúið til að taka endanlega ákvörðun um fjárfestingar í Helguvík.

Globe á 20% í Kísilfélaginu en Tomahawk Development á Íslandi, sem unnið hefurundanfarin fimm ár að því að reisa kísilver í Helguvík, á 80%.

Stjórnendur Tomahawk hafa enn fulla trú á því á af verkefninu í Helguvík verði. Samningar um verkefnið séu enn í fullu gildi og mikill áhugi á því.

• 4 blogg um fréttina

Bloggað um fréttina

• Sigurjón Benediktsson: Hvað eruð þið að vilja upp á dekk?
• Viggó Jörgensson: En íslensku lífeyrissjóðirnir?
• Magnús Jónsson: Kjaftæði, ástæðan er augljós.
• Jóhann Elíasson: ER EINHVER HISSA???????????