Icelandair stundvísast

Icelandair var stundvísast allra evrópskra flugfélaga sem eru í AEA, Evrópusambandi flugfélaga, í alþjóðaflugi í febrúarmánuði, með 90,6% stundvísi.

Í tveimur undirflokkum, þ.e. í flugi á styttri og meðallöngum flugleiðum, og í flugi á lengri leiðum, varð Icelandair annars vegar í fyrsta sæti af 25 alþjóðlegum flugfélögum með 91,3% stundvísi og hinsvegar í öðru sæti með 88,9% stundvísi, samkvæmt fréttatilkynningu frá Icelandair.

 Evrópusamband flugfélaga (AEA) birtir reglulega gögn um stundvísi flugfélaga innan sinna raða.

„Við leggjum mikla  áherslu á stundvísi í þjónustu Icelandair og þessi samanburður við öll helstu flugfélög álfunnar staðfestir að við erum í fremstu röð á þessu sviði. Það gekk vel í febrúar þrátt fyrir fjölbreytileg veðurskilyrði og þess vegna fórum við á toppinn að þessu sinni“, segir Birkir Hólm Guðnason, framkvæmdastjóri Icelandair, í fréttatilkynningu.

• 1 blogg um fréttina

Bloggað um fréttina

• Ómar Ragnarsson: Vilji er allt sem þarf.