Björn sakar RÚV um áróður

Björn Bjarna­son, fyrr­ver­andi dóms- og kirkju­málaráðherra, seg­ir fram­leiðend­ur sjón­varpsþátt­ar­ins Land­ans í Rík­is­sjón­varp­inu hafa bitið á agnið og end­ur­birt áróður um ESB í þætti kvölds­ins í sjón­varp­inu.

Orðrétt skrif­ar Björn á vef Evr­ópu­vakt­ar­inn­ar:

„Evr­ópu­stofa er lík­lega far­in að láta að sér kveða gagn­vart RÚV og stjórn­end­ur Land­ans hafa bitið á agnið eins og sást í þætt­in­um að kvöldi sunnu­dags 25. mars þegar ESB-áróðri sem braut al­gjör­lega í bága við al­mennt efni þessa vin­sæla þátt­ar var troðið inn í hann. Er með ólík­ind­um að stjórn­end­ur RÚV og rit­stjórn Land­ans taki í mál að flytja slíkt efni í þætt­in­um.

Það ætti að gera kröfu til þess að þætt­ir sem þess­ir séu merkt­ir kost­un­araðila svo að áhorf­end­ur átti sig á því hvers kyns er.

Furðulegt er að fylgj­ast með viðbrögðum við gagn­rýni af þessu tagi þegar látið er eins og áróður fyr­ir aðild Íslands að ESB sé sam­bæri­leg­ur við kynn­ing­ar­starf vegna alþjóðasam­taka þar sem Íslend­ing­ar eru þegar virk­ir þátt­tak­end­ur.

Mark­mið ESB-áróðurs­ins er að búa í hag­inn fyr­ir full­trúa ESB í aðild­ar­viðræðunum, létta þeim róður­inn við að ná sam­komu­lagi í sam­ræmi við ákvæði ESB-lög­gjaf­ar­inn­ar.

Til­gang­ur­inn er ein­fald­lega sá að slæva and­stöðu Íslend­inga og kynn­ing­in í Land­an­um sner­ist um byggðastyrki. Þeir hafa löng­um verið nefnd­ir sem agn af ESB-aðild­ar­sinn­um.“

Hægt er að horfa á um­rædd­an þátt hér.

• 12 blogg um frétt­ina

Bloggað um frétt­ina

• Gunn­laug­ur I.: "Land­inn" á RÚV - Mis­notaður og flekkaður með áróðurs subbuskap …
• Vil­hjálm­ur Stef­áns­son: áróður
• Guðjón Sigþór Jens­son: Of djúpt í ár­ina tekið
• Rakel Sig­ur­geirs­dótt­ir: Skyn­sam­leg­ast að setja aðild­ar­um­sókn­ina í salt!
• Heim­ir Lárus­son Fjeld­sted: Áróðurs­skrifsof­an sæk­ir í sig veðrið
• Ómar Bjarki Kristjáns­son: Ands­inn­ar vilja þögg­un.
• Heims­sýn: RÚV sel­ur sig ESB
• Har­ald­ur Har­alds­son: Björn sak­ar RÚV um áróður//Þ​að geri ég einnig ekki spurn­ing!!!!!
• Viggó Jörgens­son: Við eig­um að borga 13 milj­arða á ári til ESB.
• Hjör­dís Vil­hjálms­dótt­ir: Gísli Ein­ars neit­ar
• Jón Ingi Cæs­ars­son: Kjána­leg­ir ESB and­stæðing­ar.
• Jó­hann Elías­son: ER "LAND­INN" ORÐINN AUGLÝSINGAÞÁTTUR FYR­IR ESB????????