Vilja þjóðaratkvæði um kvótafrumvarp

Félagsfundur Dögunar – samtaka um réttlæti, sanngirni og lýðræði – mótmælir harðlega frumvarpi ríkisstjórnarinnar um breytingar á fiskveiðistjórnunarkerfinu og krefst þess að fram fari þjóðaratkvæðagreiðsla um framtíðarskipan fiskveiðistjórnunarkerfisins.

Frumvarpið tryggir núverandi handhöfum aflaheimilda forgangsrétt að auðlindinni til 40 ára, segir í tilkynningu frá Dögun.

„Hvorki er að sjá að frumvarpið sé í samræmi við þau loforð sem þingmenn ríkisstjórnarflokkanna gáfu kjósendum, né þau réttlætis- og sanngirnissjónarmið sem getið er um í stjórnarsáttmála sömu flokka. Ekki svarar það heldur gagnrýni Mannréttindanefndar Sameinuðuþjóðanna á óréttmæti og ójafnræði kvótakerfisins, miðað við kynningu á frumvarpinu 26.3. 2012.

Einnig ályktar félagsfundur Dögunar að allur fiskur skuli seldur á fiskmarkaði. Ekkert er um slíkt í frumvarpinu,“ segir enn fremur í tilkynningu.

• 2 blogg um fréttina

Bloggað um fréttina

• Sigurður Þórðarson: Fjórflokknum verður ekki haggð
• Jón Ingi Cæsarsson: Sjálfstæðisflokkurinn á fiskinn í sjónum.