Kvöldfundur þriðja kvöldið í röð

Samþykkt var á Alþingi í dag að halda kvöldfund þriðja kvöldið í röð, og einnig að tekin yrði á dagskrá tillaga um þjóðaratkvæðagreiðslu um tillögur stjórnlagaráðs. Meðal þeirra sem mótmæltu voru Vigdís Hauksdóttir, þingmaður Framsóknarflokks, og Ragnheiður Elín Árnadóttir, þingflokksformaður Sjálfstæðisflokks.

Eina mál á dagskrá er síðari umræða um ráðgefandi þjóðaratkvæðagreiðslu um tillögur stjórnlagaráðs að frumvarpi til stjórnarskipunarlaga. Klára þarf umræðuna fyrir miðnætti til að hægt sé að halda þjóðaratkvæðagreiðsluna jafnhliða forsetakosningum í sumar.

Allnokkrar breytingar hafa verið gerðar á frumvarpinu. Í tillögunum felast m.a. breytingar á aðalspurningunni um tillögu stjórnlagaráðs að nýrri stjórnarskrá og breytingar á þremur af þeim fimm spurningum sem fjalla um efnislegt inntak nýrrar stjórnarskrár. Þá er lagt til að aðeins verði hægt að svara spurningunum játandi eða neitandi.

• 1 blogg um fréttina

Bloggað um fréttina

• Haraldur Haraldsson: Kvöldfundur þriðja kvöldið í röð///Krípaleikur Ríkissstjórnar heldur áfram,þetta er ekki …