„Jón skortir þó kjark“

„Þingmenn Samfylkingarinnar eru meiri skræfur en Jón Bjarnason, fyrrverandi ráðherra. Hann hikar ekki við að segja Jóhönnu upphaf og endi alls ills í stjórnarsamstarfinu. Jón skortir þó kjark til að breyta þessum orðum í atkvæði gegn Jóhönnu í þingsalnum.“ Þetta segir Björn Bjarnason, fyrrverandi ráðherra, í pistli á vefsvæði sínu.

Björn skrifar færslu sína í tilefni frétta af Þjóðarpúlsi Gallup, en þar kemur fram að stjórnarflokkarnir fengju aðeins 28% yrði gengið til kosninga í dag. Hann segir stjórnarsamstarfið í molum og það hafi ekki styrkst eftir að gerður var samningur við Hreyfinguna. „Samningurinn varð til þess að stjórnaskrármálið breyttist endanlega í hringavitleysu milli alþingis og stjórnlagaráðs. Hún hefur ekki orðið til þess að auka fylgi ríkisstjórnarinnar.“

Þá segir Björn að þingflokkur Samfylkingarinnar beri höfuðábyrgð á núverandi stöðu. „Þar á bæ hefur enginn haft þrek til að snúast gegn Jóhönnu [Sigurðardóttur, forsætisráðherra].“

• 3 blogg um fréttina

Bloggað um fréttina

• Viggó Jörgensson: Hún ætlar að vera 30 ár í viðbót.
• Magnús Helgi Björgvinsson: Eru þessi orð Björns skrifuð á styrk frá ESB
• Ómar Geirsson: Það er til siðs að taka til í sínum eigin …