Ólíðandi hegðun „bílatöffara“

Íbúar í nágrenni við Grandatorg og Ánanaust í Reykjavík eru langþreyttir á framferði ökumanna á svæðinu um nætur. Í bréfi til mbl.is segir að engu líkara sé en að um leikvöll „bílatöffara“ sé að ræða og þrátt fyrir að ítrekaðar tilkynningar til lögreglu breytist ekkert.

Einn íbúa tók sig til nýverið eina nóttina og myndaði hvernig ökumenn haga sér við Grandatorgið. Hann segir að ekki aðeins hafi framferði ökumanna verið tilkynnt símleiðis til lögreglu heldur hafi bréf endurtekið verið send til lögreglu og borgaryfirvalda undanfarin fimm ár. Þrátt fyrir það fái ökumenn áfram að „leika sér“ óáreittir.

Í myndbandinu hér að neðan segir að aðgerðarleysi yfirvalda sé fullkomið. „Þessi hegðun heldur áfram nánast óáreitt enn eitt árið og veldur íbúum í nágrenninu ónæði á nóttunni.“

• 2 blogg um fréttina

Bloggað um fréttina

• Ómar Ragnarsson: "Ólíðandi ástand" áratugum og kannski öldum saman!
• Hjördís Vilhjálmsdóttir: Naustagrandi