Ekkert hret í kortunum

Ekki er útlit fyrir að von sé á hreti á næstunni að sögn Helgu Ívarsdóttur, veðurfræðings hjá Veðurstofu Íslands, í samtali við mbl.is en eins og sjá mátti til að mynda á Esjunni í morgun snjóaði þar í nótt.

Helga segir aðspurð að það spái frekar svölu veðri næstu daga á höfuðborgarsvæðinu en hins vegar verði úrkomulítið og frekar þurrt þannig að það sé ekkert í kortunum sem bendi til þess að búast megi við hreti á næstunni. Kaldara yrði hins vegar norðan- og austanlands.

• 1 blogg um fréttina

Bloggað um fréttina

• Gunnar Th. Gunnarsson: Flokkast 12-18 stiga frost ekki sem vorhret?