Jóhanna: Friðsöm mótmæli heimil

Allar vangaveltur um hvort stjórnvöld muni koma í veg fyrir friðsamleg mótmæli í tilefni af komu Wen Jiabao, forsætisráðherra Kína, eru fullkomlega óþarfar. Strax þegar farið var að undirbúa þessa heimsókn var því skýrt komið á framfæri við kínversk stjórnvöld að friðsamleg mótmæli séu að sjálfsögðu heimil enda sé það lýðræðislegur réttur hér á landi. Þetta skrifar Jóhanna Sigurðardóttir á Facebook-síðu sinni.

„Öryggi forsætisráðherra Kína verður að sjálfsögðu tryggt eins og annarra háttsettra erlendra gesta sem koma til landsins og aðeins á þeim grundvelli fer undirbúningur lögregluyfirvalda fram vegna þessarar heimsóknar,“ skrifar Jóhanna Sigurðardóttir.

• 2 blogg um fréttina

Bloggað um fréttina

• Jón Ingi Cæsarsson: Það skiptir máli hverjir stjórna.
• Sigurður Alfreð Herlufsen: Dómsmálaráðherra á auðveldan leik framundan