Frestur til að skila áfangaskýrslu

Innanríkisráðherra hefur veitt starfshópi um Guðmundar- og Geirfinnsmál frest til að skila áfangaskýrslu. Gert var ráð fyrir að skýrslan lægi fyrir í þessum mánuði.

Ráðherra skipaði hópinn í október sl. en honum var falið að fara yfir Guðmundar- og Geirfinnsmálið í heild sinni en sérstaklega þá þætti sem snúa að rannsókn þess og framkvæmd rannsóknarinnar. Þau gögn sem komið hafa fram á síðustu misserum og árum verði tekin til athugunar.

Í stað þess að skila áfangaskýrslu í apríl hefur verið ákveðið að starfshópurinn skili ráðherra stöðuskýrslu þar sem gerð verður grein fyrir vinnu starfshópsins hingað til, framhaldi hennar og áætlun um verklok.

Á vefsvæði innanríkisráðuneytis kemur fram að hópurinn hefur haldið fjölmarga fundi, farið yfir margs konar gögn og hefur kallað til sérfræðinga sér til ráðgjafar.

• 1 blogg um fréttina

Bloggað um fréttina

• Hjördís Vilhjálmsdóttir: Framúrkeyrsla