Mest fylgi meðal sjálfstæðismanna

Ólafur Ragnar Grímsson nýtur hlutfallslega mest fylgis á meðal kjósenda Sjálfstæðisflokksins vegna forsetakosninganna í sumar samkvæmt niðurstöðum skoðanakönnunar Fréttablaðsins á fylgi forsetaframbjóðenda sem birtar voru í dag. Samkvæmt þeim styðja 58,3% þeirra framboð Ólafs.

Helmingur kjósenda Framsóknarflokksins styðja ennfremur Ólaf áfram sem forseta og rúm 38% kjósenda Vinstrihreyfingarinnar - græns framboðs en minnstan stuðning hefur hann á meðal kjósenda Samfylkingarinnar eða 19%.

Mikill meirihluti kjósenda Samfylkingarinnar styður framboð Þóru Arnórsdóttur eða 81%. Sama er að segja um kjósendur VG en 57,1% þeirra styðja framboð hennar. Þóra nýtur stuðnings 46% fylgis Framsóknarflokksins og þriðjungs kjósenda Sjálfstæðisflokksins.

• 3 blogg um fréttina

Bloggað um fréttina

• Heimir Lárusson Fjeldsted: Fjötur um fót
• Páll Vilhjálmsson: Þóruframboð fær 81% fylgi samfylkingarfólks
• Ómar Ragnarsson: Ný staða hjá sitjandi forseta.