Wen gætt af öryggisvörðum

Mikil öryggisgæsla er í ferð Wen Jiabao, forsætisráðherra Kína, um Suðurland en ekkert hefur sést til mótmælenda. Strokkur gaus fyrir Wen og og Jóhönnu Sigurðardóttur, forsætisráðherra, á Geysissvæðinu nú skömmu fyrir hádegi.

Wen snæðir nú hádegisverð á hótelinu á Geysi en næsti viðkomustaður hans er Kerið. Á annað hundrað manns er í fylgdarliði forsætisráðherrans.

Fyrr í morgun skoðaði Wen Þingvelli og Geysi auk þess sem hann kom við á Kjóastöðum í Biskupstungum og þáði te hjá húsráðendum. Veður er mjög gott á þessum slóðum og virðist Wen ánægður með það sem hann hefur séð af Íslandi en þetta er fyrsta heimsókn hans hingað til lands.

• 3 blogg um fréttina

Bloggað um fréttina

• Sigurður Þorsteinsson: Mótmælendur í fríi í dag.
• Halldór Sigurðsson: Myndband frá mótmælum við Hörpu í gær
• Þorsteinn H. Gunnarsson: Landakaup Kínverja á Íslandi