„Þetta mál er þeim þingmönnum sem að því stóðu til háborinnar skammar,“ segir Guðlaugur Þór Þórðarson, þingmaður Sjálfstæðisflokksins, á Facebook-síðu sinni í dag í tilefni af niðurstöðu Landsdóms þar sem Geir H. Haarde, fyrrverandi forsætisráðherra, var sýknaður af öllum ákæruliðum nema einum sem laut að því að boða til formlegra ráðherrafunda um stöðuna í efnahagsmálum í aðdraganda bankahrunsins.

„Geir er sýknaður af öllum efnislegum ákæruatriðum. En áður hafði Landsdómur vísað frá alvarlegustu ákæruatriðunum. Hann er hinsvegar sakfelldur fyrir formsatriði sem lýtur að umræðum á ríkisstjórnarfundum! Fær enga refsingu og fær endurgreiddan málskostnað,“ segir Guðlaugur og bætir við að það sé mjög sérkennilegt.

„Það þýðir væntanlega að ráðherrar í þessari ríkisstjórn munu leiða sjálfan sig fyrir Landsdóm vegna þess að þeir hafa ekki haldið ríkisstjórnarfundi um mikilvæg mál. Má þar nefna málsókn ESB á hendur Íslandi, Líbýustríðið og gjaldeyrishöftin,“ segir hann og vísað til núverandi ríkisstjórnar.

Facebook-síða Guðlaugs Þórs Þórðarsonar

Tengdar fréttir

Landsdómur

Biðst afsökunar á sínum hlut í Landsdómsmálinu

• Vill að þingið biðji ráðherra afsökunar
• Tenging við Pólland langsótt
• Á von á skiptum skoðunum
• Alþingi álykti að málshöfðun hafi verið röng

» Fleiri tengdar fréttir

• 2 blogg um fréttina

Bloggað um fréttina

• Axel Jóhann Hallgrímsson: VÁ !¨!
• Óðinn Þórisson: Afökunarbeiðni og afsögn réttast