ASÍ mótmælir opnun verslana 1. maí

Miðstjórn Alþýðusambands Íslands mótmælir harðlega fyrirætlunum verslanamiðstöðva og fleiri að hafa búðir opnar á  baráttudegi verkalýðsins, 1. maí.

Þetta segir í ályktun miðstjórnarinnar.

„Dagurinn er frídagur verslunarfólks eins og alls annars launafólks á Íslandi og hefur svo verið um áratugaskeið. Miðstjórnin harmar allar tilraunir til að breyta þessu og hvetur neytendur til að sniðganga verslanir sem hafa opið þennan dag,“ segir í ályktuninni.

• 1 blogg um fréttina

Bloggað um fréttina

• Guðrún María Óskarsdóttir.: Hvers vegna hefur ekki verið mótmælt undanfarin ár og áratugi …