Stálu sex myndavélum í nótt

„Þetta er mikið áfall. Ég er nýbúinn að opna verslunina og það er búið að tæma hana,“ segir Bjarki Reynisson, framkvæmdastjóri Reykjavík Foto, en verðmætum ljósmyndavörum var stolið úr versluninni á Laugavegi í nótt.

Þjófavarnarkerfi fór í gang rétt um klukkan 2:30 í nótt. Öryggisverðir mættu á staðinn eftir um fimm mínútur en þá var þjófurinn eða þjófarnir horfnir. Áætlað verðmæti þess sem stolið var er hátt í 800 þúsund krónur. Þjófarnir stálu sex myndavélum, einni linsu og spjaldtölvu. Vörurnar eru frá Canon, Sony og Apple.

Notaður var steinn til að brjóta glugga í hurð verslunarinnar. Rannsókn málsins sendur yfir en Bjarki biður þá sem gætu gefið einhverjar upplýsingar að koma þeim til lögreglunnar.

• 1 blogg um fréttina

Bloggað um fréttina

• Ómar Ragnarsson: Fleiri myndavélar ófundnar. Tilboðið stendur.