„Ætla þeir að kenna okkur lexíu um ofveiði eða sjálfbærni veiða?“ spyr Bjarni Benediktsson, formaður Sjálfstæðisflokksins, á Facebook-síðu sinni í kvöld. Vísar hann þar til Evrópusambandsins og makríldeilunnar en fundað var í utanríkismálanefnd Alþingis í morgun um hótanir sambandsins um refsiaðgerðir gegn Íslendingum og Færeyingum vegna makrílveiða þjóðanna.

„ESB íhugar refsiaðgerðir vegna veiða Íslendinga á makríl í okkar eigin lögsögu. Allt til að þrýsta á um samninga sem þeir geta sætt sig við. ESB ríkin þurfa að líta sér nær og framkvæmdastjórnin að láta af hrokanum. ESB ofveiðir um 75% af öllum stofnum innan fiskveiðilögsögu sinnar og brottkast er gengdarlaust. Talið er að allt að 80% af veiddum fiski sé hent aftur í sjóinn,“ segir Bjarni.

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• 2 blogg um fréttina

Bloggað um fréttina

• Jóhannes B Pétursson: Gæti það ekki verið einmitt þess vegna ?
• Níels A. Ársælsson.: Alamarkskerfið - kvótasvindlið og brottkastið