Ungliðahreyfing Samstöðu, flokks lýðræðis og velferðar, var formlega sett á laggirnar á stofnfundi sem fram fór í gærkvöldi. Fram kemur á heimasíðu flokksins að mæting hafi verið góð og mikill hugur verið í fundarmönnum. Lilja Mósesdóttir, alþingismaður og formaður Samstöðu, flutti erindi og svaraði að því loknu spurningum.

Að því loknu voru stofnsamþykktir ungliðahreyfingarinnar samþykktar og því næst kjörin stjórn. Árný Jóhannesdóttir var kjörin formaður en hún er 16 ára gömul og stundar nám við Menntaskólann í Reykjavík.

Hallgeir Jónsson var kjörinn varaformaður. Þá voru Ingibjörg Viktoría Hafsteinsdóttir, Svafar Helgason, Andri Þorvaldsson og Jón Reginbald Ívarsson kjörin í stjórn ungliðahreyfingarinnar.

Stjórn ungliðahreyfingar Samstöðu, flokks lýðræðis og velferðar.

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• 1 blogg um fréttina

Bloggað um fréttina

• Kristinn Snævar Jónsson: Samstaða ungs fólks til fyrirmyndar