Samstaða vill taka upp Nýkrónu
Setja bókamerki
Upptaka Nýkrónu er ekki töfrabragð heldur nauðsynleg varnaraðgerð til að koma í veg fyrir aukna fátækt og stórfelldan landflótta á næstu árum, segir Lilja Mósesdóttir, þingmaður og formaður Samtöðu. Hún telur að upptaka Nýkrónu myndi laga ytra ójafnvægi hagkerfisins án þess að lífskjör yrðu skert verulega.
Í pistli á vefsvæði sínu segir Lilja að þetta sé sú leið, þ.e. skiptigengisleið, sem Samstaða vilji að rædd verði og könnuð af yfirvegun. „Upptaka Nýkrónu með mismunandi skiptigengi mun ekki brjóta í bága við eignarréttarákvæði stjórnarskrárinnar.[...] Froðueignum á leið út úr landi yrði hins vegar skipt yfir í Nýkrónu þannig að 10 milljónir í gömlum krónum yrðu t.d. 2 milljónir í Nýkrónum. Launum fólks í landinu yrði breytt í Nýkrónur þannig að upphæð þeirra yrði óbreytt.“
Lilja segir að jafnframt væri nauðsynlegt að nota upptöku Nýkrónunnar til að laga innra ójafnvægi hagkerfisins sem felist í því að sumir eigi alltof miklar eignir, t.d. fjármagnseigendur og lífeyrissjóðir, og aðrir séu of skuldsettir. „Við upptöku Nýkrónunnar þyrfti að skrifa húsnæðisskuldir þannig að 10 milljón kr. lán í núverandi krónum yrði 8 milljónir í Nýkrónu og lækka eignir fjármagnseigenda til samræmis.“
Þetta segir Lilja að yrði til þess að heimilum sem eiga í greiðsluvanda og skuldavanda myndi fækka um 15 þúsund.
Koma mikilvægum kerfum í samband
„Ég held með hvorugum“
„Vinna sem ég hlakka til að leiða og takast á við“
Upplýsa ekki um biðlaunaákvæði
Þingmenn mótmæla pappírsleysi
Vilja fá kynningu áður en ákvörðun er tekin
„Ég trúi ekki að þetta hafi gerst“
Um 600 skjálftar hafa mælst