Ráðist í löngu boðaðar breytingar á Suðurgötu

Komi ekkert óvænt upp á munu framkvæmdir við umferðareyjar, sem eiga að skilja að umferð bifreiða og reiðhjóla á Suðurgötu í Reykjavík, frá Kirkjugarðsstíg að Skothúsvegi, hefjast í þessari viku. Gengið verður rösklega til verks og ætti allt að verða tilbúið 15. maí nk.

Einstefnumerki var sett upp við Skothúsveg í september 2010 og hjólastígur gerður á öðrum helmingi Suðurgötu. Lögregla taldi á hinn bóginn að merkingar væru ekki með fullnægjandi hætti og neitaði því að staðfesta einstefnuna. Skiltin voru því sett upp án heimildar.