Ríkisstjórnin fundar á Egilsstöðum

Ríkisstjórnarfundur hófst klukkan níu í morgun á Gistihúsinu á Egilsstöðum en þetta er í fyrsta sinn sem ríkisstjórnin fundar á Austurlandi. Áður hafði hún fundað á Vestfjörðum, Norðurlandi og Reykjanesi.

Að lokum fundi ríkisstjórnarinnar og blaðamannafundi fer fram stofnfundur sameinaðrar stoðstofnunar á Austurlandi á Reyðarfirði og mun Jóhanna Sigurðardóttir forsætisráðherra flytja ávarp á fundinum. Fram kemur í tilkynningu að stofnfundurinn sé öllum opinn en einungis fulltrúar stofnaðila hafi hins vegar atkvæðisrétt.

Í kjölfar stofnfundarins fer fram málþing undir yfirskriftinni „Landshlutar í sókn!“ sem hefst með ávarpi Katrínar Jakobsdóttur, mennta- og menningarmálaráðherra. Stofnfundurinn hefst klukkan eitt en málþingið klukkan 15.

Á stofnfundinum mun ríkisstjórnin undirrita viðaukasamninga vegna sameiningar stoðstofnana og samning um framlag ríkisins til sameinaðar stoðstofnunar.

• 3 blogg um fréttina

Bloggað um fréttina

• Ásthildur Cesil Þórðardóttir: Ríkisstjórnarfundir út um landið.
• Haraldur Haraldsson: Ríkisstjórnin fundar á Egilsstöðum/Einn ligavefurinn ennþá og eyðsla til hvers???
• Hjördís Vilhjálmsdóttir: Bruðl