Keyptu fyrir milljarð í Bauhaus

Íslendingar keyptu vörur fyrir hátt í milljarð króna í Bauhaus-versluninni þessa fyrstu viku sem liðin er frá opnun nýju verslunarinnar, að sögn Halldórs Óskars Sigurðssonar framkvæmdastjóra. Þetta kemur fram í Fréttatímanum í dag.

Hann er ekki með tölu yfir gestafjöldann en giskar á að gestir hafi verið nálægt 20 þúsund. „Þetta hefur gengið ótrúlega vel og viðtökurnar eru jafnvel betri en við áttum von á. Opnun verslunarinnar var samkvæmt því sem Bauhaus á að venjast í Evrópu þar sem verslanakeðjan nýtur mikilla vinsælda,“ segir Halldór. Spurður hvort um veltumet sé að ræða segir Halldór: „Þetta hlýtur að minnsta kosti að vera veltumet hér á Íslandi.“

Vinsælustu vörurnar eru að sögn Halldórs grill og garðhúsgögn, pallaefni og ýmsar garðvörur, að því er segir í Fréttatímanum í dag.

• 3 blogg um fréttina

Bloggað um fréttina

• Ómar Ragnarsson: "Bauhausheilkennið" nær nýjum hæðum.
• Eyjólfur Jónsson: Er það satt? Getur það bara verið??
• Guðjón Sigþór Jensson: Íslendingar falla í freistni: Nýr möguleiki að týnast!