Stjórnarskrármál á hreyfingu
Setja bókamerki
Ríkisstjórnin getur treyst á stuðning Hreyfingarinnar þegar kemur að því að greiða atkvæði á Alþingi um stjórnarskrármálið. Þetta segir Þór Saari, þingmaður Hreyfingarinnar.
Þingmenn Hreyfingarinnar, þau Margrét Tryggvadóttir, Birgitta Jónsdóttir og Þór Saari, funduðu með Jóhönnu Sigurðardóttur forsætisráðherra og Steingrími J. Sigfússyni, efnahags- og viðskiptaráðherra, um stjórnarskrármálið í Ráðherrabústaðnum í dag.
Þór segir í samtali við mbl.is að fundurinn hafi verið stuttur en á honum hafi þau Jóhanna og Steingrímur leitað eftir stuðningi Hreyfingarinnar í tengslum við stjórnarskrármálið. Aðspurður segir hann að Hreyfingin hafi fengið fundarboðið í gær og Þór bætir við að það hafi komið sér á óvart.
„Þetta hefur náttúrlega tafist úr hófi fram þetta mál og þeim er í mun að klára það. Koma því frá,“ segir Þór.
„Það er verið að vísa málinu til þjóðarinnar í atkvæðagreiðslu og það er óþarfi að fólk sé með einhverjar málalengingar og málþóf í sambandi við það.“ Ríkisstjórnin geti því treyst á stuðning Hreyfingarinnar.
„Við erum búin að vera ein af þeim sem höfum ýtt þessu máli áfram í gegnum þingið alveg frá upphafi. Þetta er því engin spurning um einhvern stuðning við ríkisstjórnina, bara með hvaða hætti samstarfið í þessu máli verður áfram,“ segir hann.
„Við erum ekki komin í ríkisstjórn,“ segir Þór aðspurður, en ríkisstjórnin átti einnig langan fund í Ráðherrabústaðnum um fjárlög næsta árs. „Okkur er nú ekki boðið að því borði,“ segir Þór og hlær.
Stefnt er að því að hefja umræður um stjórnarskrármálið á Alþingi nk. miðvikudag. Þór segist reikna með að umræðunni ljúki á föstudaginn.
Bjarni: „Útilokað að þetta geti gengið upp“
„Börn heima sem maður myndi vilja hafa í skjóli“
Funda með þingflokkum
„Þetta er ríkisstjórn almannahagsmuna“
Var engin kristnitaka árið 1000?
„Tímabil aukinnar eldvirkni“
Fyrsti blaðamannafundurinn í heild sinni
Ný ríkisstjórn kynnt á morgun
