Reiðubúin að verja ríkisstjórnina vantrausti

Þingmenn Hreyfingarinnar segja að takist samningar um framgang ýmissa mála sem rædd voru við ríkisstjórnina í gær lýsi þau sig reiðubúin að verja ríkisstjórnina vantrausti komi til þess. „Við höfum aldrei heitið ríkisstjórninni stuðningi gegn vantrausti en höfum stutt öll góð mál óháð uppruna þeirra,“ segir í fréttatilkynningu.

„Í gær áttum við ágætan fund með Jóhönnu Sigurðardóttur og Steingrími J. Sigfússyni, formönnum ríkisstjórnarflokkanna,“ segir í tilkynningu frá Hreyfingu. „Þar ræddum þau mál sem helst brenna á þjóðinni, þar á meðal þjóðaratkvæðagreiðslu um tillögu stjórnlagaráðs að nýrri stjórnarskrá, persónukjör, gagnsæi, upplýsinga- og tjáningarfrelsi, leiðir til almennrar skuldaleiðréttingar og afnám verðtryggingar, sem og framtíðarfyrirkomulag fiskveiðistjórnunarkerfisins.“

Þingmenn Hreyfingarinnar segja að til fundarins hafi verið boðað af hálfu Jóhönnu og Steingríms í kjölfar bréfs sem Hreyfingin sendum þeim um hugsanlegt samstarf um umrædd atriði. „Að okkar mati kalla þær aðstæður sem nú ríkja í samfélaginu á aðgerðir að hálfu stjórnvalda og ábyrga afstöðu minnihlutans.

  Takist samningar um framgang ofangreindra mála lýsum við okkur reiðubúin að verja ríkisstjórnina vantrausti komi til þess. Við höfum aldrei heitið ríkisstjórninni stuðningi gegn vantrausti en höfum stutt öll góð mál óháð uppruna þeirra. Það er að okkar mati löngu tímabært að ríkisstjórnin forgangsraði með ofangreint í huga og forsenda þess að hún að sitja út kjörtímabilið. Okkur finnst brýnt að niðurstaða liggi fyrir í þessari viku,“ segir í tilkynningu Hreyfingarinnar.

• 10 blogg um fréttina

Bloggað um fréttina

• Guðrún María Óskarsdóttir.: Stjórnmálaafl ?
• Tryggvi Þórarinsson: Hreyfingin komin í flórinn með stjórnarflokkunum.
• Haraldur Haraldsson: Munu verja ríkisstjórnina vantrausti//Þá vitum við það, og vissum alla …
• Baldvin Björgvinsson: Hreyfingin er óvenjuleg stjórnmálahreyfing
• Guðmundur Jónas Kristjánsson: Hreyfingin útibú Samfylkingar! Dögun dagar uppi!
• Ólafur Ragnarsson: "Loks sýndu þau sitt rétta andlit."
• Jóhann Elíasson: OG ÆTLA MENN ENN AÐ BERA Á MÓTI ÞESSU????????????
• Guðmundur Frímann Þorsteinsson: Leggjast ótrúlega lágt
• Páll Vilhjálmsson: Þingfararkaupið tryggir óvinsælli stjórn framhaldslíf
• Ólafur Örn Jónsson: Hreyfingin er að sýna ábyrgð með að setja stjórarskrármálið á …