Einkum vegna áhyggja á markaði

„Ef horft er yfir langt skeið þá er það hefðbundna það að eldsneytisverð fer hækkandi frá vormánuðum og fram á sumar vegna þess að eftirspurn eykst. En við höfum hins vegar verið í mjög óeðlilegu ástandi hvað það snertir þar sem verðlagið var mjög hátt í vetur,“ segir Runólfur Ólafsson, framkvæmdastjóri Félags íslenskra bifreiðaeigenda (FÍB).

Líkt og mbl.is hefur greint frá hafa öll olíufélögin lækkað eldsneytisverð sitt í dag en Runólfur segir að þessar lækkanir megi hugsanlega einkum rekja til áhyggja á markaði af stöðu efnahagsmála í heiminum. Eftirspurn dragist saman þegar efnahagslífið er í hjöðnun.

Spurður að því hvernig hann telji að sumarið kunni að verða þegar kemur að verðlagi á eldsneyti segir Runólfur að erfitt sé að spá fyrir um það. „Það er nú gömul og ný saga að það virðist vera erfitt að spá fyrir um þessa hluti.“

• 2 blogg um fréttina

Bloggað um fréttina

• Heimir Lárusson Fjeldsted: Shell sveik
• Haraldur Haraldsson: Einkum vegna áhyggja á markaði/Burt með eldneytið úr vistölunni,við þolum …