Óbreyttur meirihluti í Árborg
Setja bókamerki
Sjálfstæðismenn í Árborg náðu samkomulagi á fjögurra tíma fundi í dag um að Elfa Dögg Þórðardóttir, bæjarfulltrúi flokksins í hreinum meirihluta í Árborg starfaði áfram með meirihlutanum.
Það verður því ekkert af því að Helgi S. Haraldsson, fulltrúi B-listans, komi inn í meirihlutann eins og stóð til á tímabili. „Þetta var mjög fínn fundur, sem ég er mjög sátt við. Við töluðum opinskátt um hlutina og hreinsuðum út ýmis erfið mál þannig að nú eru allir sáttir og sælir,“ sagði Elfa Dögg í samtali við DFS.
„Niðurstaðan er frábær, Efla Dögg nýtur 100% trausts og stuðnings hjá meirihlutanum enda kom það skýrt fram á fundinum í dag. Nú höldum við áfram að vinna að góðum málefnum fyrir Árborg enda er sól úti og menningarhátíðin „Vor í Árborg“ í fullum gangi,“ sagði Eyþór Arnalds, oddviti sjálfstæðismanna, eftir fundinn.
Hentugt gos fyrst gýs á annað borð
Dregið úr gosóróa
Dómur þyngdur um þrjú ár
Ása Ellerup flutt út og ætlar að selja húsið
Vegirnir voru eins og borðstofuborð
Hraun kemur úr þremur gígum: Virknin stöðug
Hópur fólks reyndi að komast að eldgosinu
Viðræður ekkert þokast frá því á þriðjudag