Segja flóttamenn misnota okkur

„Flóttamenn bágra lífskjara misnota okkur og spila á strengi vorkunnsemi og meðvirkni. Þeir vita að lögum samkvæmt má ekki sannreyna sögurnar sem þeir segja. Þeir spila á góðsemispostulana og meðvirknisjúklingana og þekkja lögin út og inn,“ segir í tilkynningu sem Bjartsýnisflokkurinn, flokkur hófsamra þjóðernissinna, hefur sent frá sér varðandi komu flóttamanna hingað til lands.

„Ríkisstjórn Íslands starfar í umboði íslensku þjóðarinnar, en ekki í umboði ESB og Sameinuðu þjóðanna. Henni ber skylda til að standa vörð um hagsmuni lands og þjóðar og setja hagsmuni þjóðarinnar í öndvegi,“ segir jafnframt í tilkynningunni.

Segja pilt þykjast vera sextán ára en líti út fyrir að vera um tvítugt

„Það er tekið skýrt fram í Flóttamannasamningi Sameinuðu þjóðanna að flóttamaður er sá sem þarf að flýja land sitt vegna ofsókna. Flóttamenn bágra lífskjara hafa því engan rétt á því að kallast flóttamenn og ber að senda þá umsvifalaust heim til sín eða til þess lands sem þeir komu frá til Íslands.

Nokkrir ungir flóttamenn hafa verið í fréttum nýlega og þykjast þeir vera börn til að auka líkurnar á landvistarleyfi og til að gera yfirvöldum erfiðara fyrir. Einn af þeim þykist vera 16 ára, en lítur út fyrir að vera um tvítugt,“ segir enn fremur.

• 2 blogg um fréttina

Bloggað um fréttina

• Svanur Gísli Þorkelsson: Sieg heils!
• Valdimar Samúelsson: Ég veit ekki lengur hvor eru meiri börn hið opinbera …