Á gjörgæslu eftir líkamsárás

Alvarleg líkamsárás var gerð við Grandagarð í Reykjavík í gærkvöldi en þar var tilkynnt um blóðugan mann laust fyrir klukkan 20.

Að sögn lögreglunnar á höfuðborgarsvæðinu var maðurinn fluttur á slysadeild til aðhlynningar og síðan á gjörgæsludeild Landspítala þar sem hann er undir eftirliti.

Árásarmaðurinn var handtekinn skammt frá þeim stað þar sem hinn maðurinn fannst og fluttur í fangageymslu. Lögreglan segir að báðir mennirnir hafi verið mjög ölvaðir.

Fleiri líkamsárásir komu til kasta lögreglunnar á höfuðborgarsvæðinu í nótt. Um klukkan 1 var tilkynnt líkamsárás á veitingahúsi við Laugaveg en þar hafði maður slegið dyravörð. Maðurinn hafði áður áreitt gesti staðarins og verið vísað út.

• 1 blogg um fréttina

Bloggað um fréttina

• Hjördís Vilhjálmsdóttir: Pissfullir